Ish kryeministri Italian dhe lideri i Forza Italia Silvio Berlusconi është shëruar nga infeksioni I koronavirusit dhe sot ka dalë nga spitali San Raffaele në Milano.
Berlusconi tha se “Secili prej nesh është i ekspozuar ndaj rrezikut të infektimit” dhe bëri thirrje “për përgjegjësi maksimale”
“Kjo ishte prova më e rrezikshme e jetës sime” – tha Berlusconi
Duke folur gjithashtu për rihapjen e shkollave, ai u shpreh se “Sot është dita kur miliona fëmijë kthehen në shkollë. Ky është një lajm pozitiv, një shenjë e kthimit në normalitet” por edhe “është një hap shumë delikat”.
Kreu i Forza Italia gjithashtu bëri thirrje studentëve për respektimin e rregullave shëndetësore.
“Bëjeni për veten tuaj, për gjyshërit tuaj, mësuesit dhe prindërit që mund të infektoni “.
Berlusconi ka qenë kryeministër italian tri herë gjatë periudhës 1994-2011.
Miliarderi italian ka insistuar këtë muaj se do të vazhdojë aktivitetet e tij politike, pavarësisht testimit pozitiv për koronavirus.
Zgjedhjet rajonale do të mbahen këtë fundjavë në Itali, ashtu sikurse referendumi për zvogëlimin e numrit të deputetëve në parlament.
