Kryeministri Edi Rama ka udhëtuar sot drejt Libanit, ku pritet të kryhet riatdhesimi i katër fëmijëve shqiptarë nga ferri i kampeve të Sirisë. Rama shprehet se do fillojë menjëherë puna për rikthimin e pjesës tjetër të shqiptarëve të mbetur atje.
“Një hap nga finalizimi i fazës së parë operacionit kompleks për nxjerrjen e fëmijëve shqiptarë nga ferri i kampeve të Sirisë, pas një përpjekjeje diplomatike prej më shumë se një viti tanimë.
Nëse me ndihmën e Zotit gjithçka do të shkojë sipas planit, nesër do të kthejmë në atdhe katër fëmijë dhe do të hapim rrugën për finalizimin e fazës së dytë, ku do të kthejmë edhe pjesën tjetër”, shkruan Rama.
