Shqipëria është njëri ndër vendet me çmimin më të lartë të naftës në botë. Kjo për shkak se qeveria ka vendosur një sërë taksash të cilat nuk ka ndër mend t’i ulë.
Mirëpo sikur të mos mjaftonte ky fakt, shqiptarët e “hanë” dy herë. Një herë nga çmimet e larta, dhe herën e dytë nga cilësia e keqe e naftës që shitet në vend.
Gjithmonë e më tepër qytetarët ankohen për cilësinë e naftës që shitet në Shqipëri. Shumë prej nesh madje shfrytëzojnë mundësitë kur shkojnë në vendet fqinje për të mbushur makinën plot.
Të shumta janë edhe fotot e videot e publikuara edhe nga redaksia jonë që paraqesin këtë fakt. Në lidhje me cilësinë e keqe të naftës, ka ardhur një denoncim në redaksinë e JOQ Albania, në lidhje me BOLV OIL.
Qytetari shkruan se në datë 30 shtator 2020 në mëngjes ka furnizuar motorin e tij me benzinë tek BOLV OIL pranë Selvisë në Tiranë.
Ai shprehet se benzina ishte “ujë komplet” siç shikohet edhe në fotot e dërguara prej tij. Qytetari u kthye përsëri tek pika e furnizimit për t’i paraqitur ankesën stafit, por mori një përgjigje arrogante.
Nisur nga ky denoncim JOQ Albania kontaktoi me e-mail zyrtarisht me BOLV OIL që në datë 30 shtator, por deri më sot datë 24.11.2020 nuk mori asnjë reagim./JOQ
Në vijim denoncimi i qytetarit:
“Pershendetje Joq. Ju lutem ma beni publik kte rast se po na marrin n qaf. Isha sot ne mengjes per te furnizuar motorrin me benzin tek bolv oil, tek selvia, ne mes te tiranes.
Benzina ishte uj komplet, sic shihet dhe n foto pasi e zbrazem sabratorin, dhe kur vajtem per ti treguar demin, punonjesit me nje sjellje arrogante, nuk mbajn pergjithsi, jemi shum t revoltuar.”
