Mbrëmjen e djeshme në emisionin ‘Open’ ishte i ftuar kryeministri Rama, ku nuk munguan as debatet dhe pyetjet provokuese. Intervistën e ka ndjekur me vëmendje edhe zv.kryeministri Erion Braçe dhe këtë na e dëshmon përmes postimeve të njëpasnjëshme që ka bërë në rrjetet sociale.
I revoltuar me disa pyetje të gazetares Eni Vasili, Braçe ka shpërthyer në komente.
“Nisi debilllëku; Pse duhet ti besojmë kryeministrit në mandatin e dytë kur humbet besimi dhe mos i besojmë transportit të vaksinës me policë por që ta shoh unë?! Rrini e dëgjojeni deri në fund se do kënaqeni.
Po si ka mundësi që debillëku të bëj televizion? E dëgjuat? Vaksinë për propagandë! Ca domethënë?-e pyesin. Ja Maqedonia ka marrë nga Bullgaria. Ku i ka?-e pyesin. Dakord po ti 970 cope ke! Ore po ku i ka Maqedonia?-e pyesin. Po mirë sa do vaksinosh ti deri në Shkurt dhe vazhdon,” shkruan Braçe ndër të tjera.
