Partitë politike e kanë zakon të mbledhin ‘të fortët’ rreth vetës, si garanci për votat në zgjedhje.
Duket se ky është dhe rasti i partisë së Ilir Metës, i cili tashmë ka filluar dhe fushtën elektorale në Korçë.
CNA.al publikoi dje me fakte se si Ilir Meta i ndodhur në Korçë, gjoja për takime me komunitetet fetare, është ndarë nga eskorta dhe ka takuar Faslli Zholin, i cili është koordinator LSI-së dhe mik i Ilir Metës.
Në shtëpinë e tij janë mbledhur disa personazhe të LSI të cilëve Meta u ka kërkuar mbështetje.
Ndërkaq, në videon e mëposhtme shfaqet Ervis Zholi, djali i Faslli Zholit, militant i flaktë i Ilir Metës dhe LSI, teksa gjuan me armë diku në malësinë e Korçës, ndërsa në shtëpinë e këtij të fundit, Presidenti ishte dy ditë më parë për të kërkuar mbështetje.
Mjafton ti hedhësh një sy profilit të tij në rrjetet sociale dhe fotove që publikon, për të kuptuar se sa ta flaktë i ka Meta mbështetësit e tij.
Një foto cover me Ilir Metën, eksponentë të LSI, Elona Gurin, Brisida Shehaj, vetë Kryemadhin, pa harruar dhe Ervin Salianjin, janë ato që bien në sy.
Video me armë, sipas burimve të CNA është realizuar në dhjetor.
Policia në fakt në Korçë më shumë merret të fitoje ndonjë lekë nga lokalet që bëjnë kërdinë me Covid në fundjavë sesa të zbulojë këto raste flagrante.
Ashtu sic u raportua dhe dje, Meta ka zhvilluar disa takime në Korçë duke mbledhur grupe të ndryshme mbështetësish në shtëpitë e koordinatorëve të LSI.
Kjo lëvizje e Ilir Metës, duke harruar dhe detyrën e kryetarit të shtetit, vjen pas raportimeve se partia e LSI po shkërrmoqet, njerëzit i kanë braktisur dhe vështirë se Monika Kryemadhi dhe Endrit Braimllari të bëhen deputetë./ CNA.
