Një incident është shënuar gjatë aktivitetit të Partisë Socialiste në Shkodër për zgjedhjet e 25 prillit. Gjatë kohës kur kryeministri Edi Rama po fliste, një person e ka sharë nga nëna. Ndonëse personi nuk dëgjohet, rastin e ka treguar kryeministri teksa i ka dhënë një përgjigje.
Rama pyeti nëse se kjo është PD e Shkodrës, dhe se… për atë votojnë stërnipat e Marubit, Luigj Gurakuqit, Migjenit dhe nëse po kjo është arsyeja që Shkodra është e fundit sot.
“Çfarë ka me nënën time ai andej? Ajo është demokracia?! Ajo, është PD në fakt. Një njeri andej që më dërgon dëshirën e tij lidhur me nënën time, që është në botën tjetër. Ajo është PD e Shkodrës, ai është një që i kanë thënë shko tani dhe thuaj atë të nënës, atij që po flet. Kjo është demokracia që do Shkodra?!
Për atë votojnë stërnipat e Marubit, stërnipat e Luigj Gurakuqit, për atë votojnë stërnipat e Migjenit dhe të gjithë atyre yjeve që shkëlqejnë kaq fuqishëm në qielli ne historisë sonë? Për atë? Nëse po, pikërisht se kanë votuar për atë 30 vjet, Shkodra është kështu, e fundit”, tha Rama.
