Gazetari Mero Baze ka komentuar reagimet e presidentit Ilir Meta lidhur me ngjarjen e Elbasanit ku truproja i Gazmend Bardhir ekzekutoi mjekun dhe politikanin lokal Pjerin Xhuvani.
“Presidenti i vendit, inkurajuesi më i madh i krimit zgjedhor në Shqipëri, blerësi i vetëm i votave që është kapur deri më.sot, nxitësi i vrasjeve në çdo palë zgjedhje në vend, sot ka lënë arkivolin në mes të rrugës në Elbasan dhe po i jep zemër Gazmend Bardhit të mos frikësohet për atë që ka bërë, se ka Ilir Metën pas. Vrasësi është tani në duart e drejtësisë por nxitësit e vrasësit janë në duart e popullit. Zoti i ruajt!”, shkruan Baze i cili shton:
“Kjo është skena e krimit. Ilir Meta ka nis përpjekjet për të ndryshuar faktet duke akuzuar policinë dhe SHISH në Elbasan si të njëanshme. Mendon se mund të fshij serverin si më 21 janar 2011. Por është 21 prill 2021 dhe ai nuk e ka më atë fuqi. Edhe 4 ditë larg është dita e Gjyqit popullor ndaj tij dhe Berishës”, nënvizon Baze.
