Xhelal Mziu, udhëheqësi politik i Dibrës për Partinë Demokratike, është thirrur në Prokurori për të dhënë shpjegime zyrtare mbi deklaratën e tij, se PD ka ngritur stuktura paramilitare të cilat janë gati t’i fusin plumbin kujtdo që dyshojnë njësoj si në Elbasan.
Mziu ka pranuar për Report TV se është thirrur tani në Prokurori.
Deklarata e Xhelal Mziut dëshmoi se PD ka ngritur një strukturë terroriste të armatosur në mënyrë të paligjshme dhe të trajnuar dhe udhëzuar për të vrarë qytetarë bazuar mbi dyshime.
Presidenti i vendit Ilir Meta i ka dalë në krah këtij akti, duke deklaruar se qytetarët kanë të drejtë të arrestojnë dhe të dhunojnë këdo që dyshojnë se prek votën.
Deklarata e Mziut tronditi opinionin publik dhe atë ndërkombëtar.
Ambasadorja e SHBA në Tiranë dhe katër ambasadorë të Bashkimit Europian shkuan në zyrën e presidentit Meta, ku ja bënë të qartë se ngritja e grupeve të armatosura është histori e së shkurës, që duhet të distancohen.
Kjo shkaktoi dhe konfliktin e presidentit Meta me ambasadoren amerikane.
