Ilir Meta vazhdon me gjëndjen e tij të rënduar mendore, teksa pak orë para zgjedhjeve ka kërcënuar me arrestime dhe dekretim të grupeve paramilitare, që t’i kundërpërgjigjen strukturave të shtetit, Policisë e Prokurorisë.
“Kriminelët janë kudo të rrezikshëm.
Por më të rrezikshmit janë kriminelët e veshur me uniformë, janë ata që gjenden brenda sistemit gjyqësor dhe të prokurorisë.
Prandaj thirrini mendjes, zbatoni ligjin, qëndroni larg ndikimeve politike, mos u bëni palë dhe ruani integritetin e detyrës.
Përmbushni detyrën pa asnjë vonesë dhe mos e detyroni Popullin t’ju arrestojë në flagrancë përmes ligjit, që Kuvendi i Shqipërisë ka miratuar.
Presidenti i Republikës është gjithmonë me Kushtetutën dhe Sovranin.
Presidenti i Republikës është gjithmonë gati për të marrë përgjegjësinë për çdo Dekret në mbrojtje të Zgjedhjeve, Demokracisë dhe Popullit nga dhuna e oligarkisë!
Nesër duhet të jetë Festa e Demokracisë”, shkruan ai.
Ndërsa në një tjetër, pak minuta pas këtij statusi, Meta shkruan:
“Të dashur prokurorë dhe gjyqtarë! Dëgjojeni mirë presidentin e Republikës!
Boll dëgjuat përfaqësuesin e Ndrangheta-s, Don Agaçion.
Nëse jo, një pikë gjaku të derdhet nesër, por edhe një pikë loti, mjerë ju!
Nesër duhet të jetë Festa e Demokracisë!”
