Liljana Buzo, 54-vjeçarja e cila u vra sot nga bashkëshorti i saj, ish-polici Koço Buzo, fshihej në Tiranë prej shumë kohësh para se të ndodhte krimi i rëndë.
Mësohet se Buzo jetonte në Yzberisht dhe punonte si sanitare në një lokal në këtë zonë të kryeqytetit.
Nga frika e mos e gjente bashkëshorti me të cilin kishte nisur procedurat e divorcit, Buzo u kishte kërkuar njerëzve që e njihnin që mos ta thërrisnin asnjëherë në emër.
“Mos më thërrisni në emër,”- mësohet se thoshte ajo, në mënyrë që Buzo të mos binte në gjurmët e saj.
Ngjarja
Ish efektivi i policisë Koço Buzo qëlloi me armë ndaj bashkëshortes dhe avokatit të saj dhe një efektivi policie, që ndërhyri për shuarjen e konfliktit.
Sipas dëshmitarëve nga vendi i ngjarjes, Koço Buzo pasi ka qëlluar disa herë me breshëri kallashnikovi, kanë ndërhyrë fillimisht dy djemtë e çfitit duke i marrë armën të atit.
Por Buzo ka arritur tu shpëtojë djemve, teksa po telefononin policinë dhe është vërsulur sërish mbi bashkëshorten duke e qëlluar disa herë me thikë, edhe pse ajo ishte duke dhënë shpirt e shtrirë në trotuar dhe e mbuluar me gjak.
Në këtë moment djemtë e çiftit, që ishin pjesë e seancës për divorcin e prindërve kanë arritur të neutralizojnë babain deri në momentin që mbërriti policia.
