Pas humbjes së 25 prillit, Bilushi i Metës është i shqetësuar pse Luli nuk largohet dhe t’i hapë rrugë Ilir Metës si lider i opozitës.
Ai jo vetëm që nuk ikën, por po ndihmon Edi Ramën që të ikë Ilir Meta.
Në këto kushte, Meta ka vendosur të ndihmojë Gonen e PD, të rivalizojë Lulin.
Për këtë, Bilushi i Metës ka bërë një strategji.
Së pari, ditën kur do shpallen kandidaturat, Gonia do dalë para SHQUP-it me parrullën “Dua formularin”.
Kjo është praktikë e vjetër e Metës, sa herë donte të tallej me Fatos Nanon për rivalitet në PS.
Në një rast ai gjeti një njeri me mbiemër Meta nga Skrapari, që kërkonte të ishte kandidat përballë Nanos.
Së dyti, ka vendosur t’i ndajë shpenzimet e fushatës me Gonen.
Kështu që është rënë dakord, që stafi i Gones të paguhet gjysma nga Meta, gjysma nga Gonia.
Mulosmani si bixhozxhi, do marrë vetëm xhetona tek Plaza dhe këto do t’i mbulojë Meta.
Jo lekë në dorë, se dëmton kauzën.
Dhe xhetonat duhet t’i japen pas çdo shkrimi, se po ja dhe përpara harron detyrat.
Gonia do paguajë disa emisione dhe fletëpalosjet për formularin.
Së treti, Meta do t’i marrë përsipër fjalimet, që të forcojë pak betejën dhe të jenë fjalime me gjak.
Gonia do bëjë prova para pasqyrës, para se t’i lexojë në publik, pasi mund të ndodhë si me atë fjalimin në Parlament, që shkaktoi gajasje.
Por e gjithë kjo do mbahet sekret deri ditën e formularit.
Pastaj do nisë lëvizja.
