Qeni i saj në një moment po mbytej, por roja e trupit nuk e luajti as gishtin për ta ndihmuar kafshën e gjorë. Në këtë pikë, Marcela Temer, gruaja e presidentit të Brazilit nuk mendoi dy herë, por menjëhere u hodh në ujë për të shpëtuar qenin.
Ngjarja ka ndodhur më 22 prill dhe sipas dëshmitarëve, gruaja e presidentit në atë moment ndodhej duke shëtitur në kopshtet e “Palacio de la Alvorada-s”, rezidencës zyrtare të presidentit brazilian, e cila ishte e shoqëruar nga djali i saj Michelzinho dhe Jack Russel-in i cili është pjesë e familjes që më 2016-tën.
I tërhequr nga rosat, për një moment qenushi hyri në ujë, por nuk i kishte bërë llogaritë mirë. Kur mbërriti në gjysmë të pellgut, nuk arriti të diltë më nga aty, duke rrezikuar të mbytej.
Në këtë kohë Marcela, i kërkoi një agjenti të “Gabinete de Segurança Institucional”, përgjegjës për sigurinë e saj, të shkonte të ndihmonte kafshën e gjorë, por që ky i fundit refuzoi.
Duke parë situatën e rëndë ajo vendosi ta kryente vetë këtë gjë. Si pasojë, agjenti emri i të cilit nuk bëhet i ditur, iu komunikua shkarkimi nga detyra pasi kishte lënë në rrezik integritetin fizik të Zonjës së Parë.
