Kryebashkiaku i Lushnjës, Fatos Tushe është arrestuar sot nga policia, në kuadër të një aksioni masiv antikorrupsion, të urdhëruar nga SPAK.
Sipas burimeve, policia dhe FNSH kanë zbarkuar në Ndërmarrjen e Pasurive Publike të këtij qyteti. Mësohet se Tushe akuzohet për veprën penale “korrupsion”.
Policia ka shkuar në zyrë Tushes dhe pas disa kontrolleve në këtë institucion ai është arrestuar.
Mësohet se vazhdon bastisja e zyrave të bashkisë, mes tyre drejtoria e urbanisitikës, aty dyshohet se ka materiale që do të provojnë akuzën e SPAK atë të përfshirjës në korrupsion pasiv të zyrtarëve publikë.
Kujtojmë se Fatos Tushe drejton këtë bashki prej 3 mandatesh, ndërsa përfaqëson Partinë Socialiste.
Më herët ai bashkë me sekretaren e tij mbetën të plagosur më 31 dhjetor të 2020-ës, pasi në zyrë iu hodh lëndë plasëse.
SPAK ka ndërmarrë sot një operacion masiv anti-korrupsion, ku raportohet për disa të arrestuar.
