Kryeministri Edi Rama është shfaqur sot me një qese të zezë në dorë duke pastruar plehrat në Vlorë.
Shefi i qeverisë ka përcjellë edhe një mesazh ndaj Bashkisë Vlorë duke i bërë thirrje për më shumë përgjegjshmëri në shërbimet e ofruara ndaj qytetarëve.
“Vetëm 3 minuta e ndajnë turpin, jo nga nderi, por nga dinjiteti i zakonshëm që duhet të ketë një qytet, një komunitet, por dhe një bashki.
Ata që luajnë këtu, bëjnë mirë që t’i mbledhin dhe mos t’i heqin të paktën.
Ata që duhet ta mirëmbajnë këtë bëjnë mirë që ta pastrojnë dhe para se të lindin dielli, turistë të huaj e shqiptarë që ta shohin këtë pamje që është turp”, është shprehur kryeministri.
Kujtojmë se Rama ka pasur ‘përplasje’ në distancë me kryebashkiakun e Vlorës, Dritan Leli, ku një ndër kritikat është bërë edhe gjendja e qytetit me mbeturinat.
