Pas zhvillimeve të së dielës në Lungomare në Vlorë, ku punonjësit e lokaleve protestuan duke kënduar në një kohë të gjithë “Himnin e Flamurit”, Bilushi i Metës u bëri disa vërejtje publikisht:
“Të dashur miqtë e mi!
Ju ndoqa në protestën tuaj dhe jam shumë i trishtuar që u përballët me dhunën e policisë.
Por kam disa vërejtje, që do t’ua them për të mirën e punës.
E para, tersi i gjithë protestave është këndimi i Himnit të Flamurit.
E këndoi Lul Basha pas çdo proteste në Bulevard për tre muaj rresht dhe nuk fitoi asgjë.
Madje ai u përpoq ta këndojë dhe vetë, për t’i dhënë zemër popullit, por i mbushi mendjen për të kundërtën.
Nga ana tjetër, këndimi i Himnit i ka mbushur mendjen Ed Ramës se ju jeni vazhdimi i protestave të Lul Bashës më 2019 me molotov në Tiranë, ndaj është sjellë ashpër.
Së dyti, mendoj se duhet të kishit sajuar ndonjë këngë labe për Edi Ramën dhe të këndonit të gjithë në një kohë.
Meqë shumë policë që nuk ua marrin vesh tekstin kur këndoni, atëherë ata do të mendonin se po këndonit për Ed Ramën, dhe mund të mos u kishin ndërhyrë.
Së treti, duhet të kishit zgjedhur ndonjë grup folklorik që ka dekoruar presidenti Meta në Vlorë dhe ashtu policia do të druhej, se nuk mund të sulmonin mbartësin e dekoratës “Kalorësi i Skënderbeut”, se trembeshin.
Duke e mbyllur, dua ata përsëris se krye-arsye mbetet përdorimi i Himnit të Flamurit dhe kujtesa e shqiptarëve për protestat e Lulit.
Kjo do t’u dëmtojë dhe në të ardhmen.
Shmangni atë këngë, se ndaj duket vend i mallkuar ky, prej atij himni”.
