“Pas dy vajzave ka ndërruar jetë edhe nëna”, ky ishte lajmi që futi në grackë portalet dhe televizionet shqiptare. Të gjitha nisën të shkruajnë se Alketa Gjoka humbi jetën pas plagëve të marra një lajm i pa konfirmuar.
Gazeta Shqip kontaktoi me institucionet e shëndetësisë dhe ata na thanë se “Jo nuk kemi informacion, që kur u transferuan per në Itali”. Njëherazi ne na vjen mirë që është akoma gjallë dhe të kthehet së bashku me Enrikon e vogël pranë familjarëve dhe burrit të saj.
Na vjen keq që mediat u përfshin në një lajm si i cili ka shqetësuar të afërmit, në këtë tragjedi që u ka ndodhur familjes Gjoka.
Kujtojmë se ngjarja e rëndë ndodhi më 4 korrik, rreth orës 06:30 në Velipojë. Klarisa Gjoka 15 vjeçe, Danjela Gjoka 19 vjeç, Enriko Gjoka 12 vjeç dhe Alketa Gjoka 40 vjeçe (nëna), pasi në hotelin e tyre shpërtheu një bombul gazi. Shpërthimi ka qenë aq i fuqishëm, saqë i gjithë kati i parë i hotelit është shkatërruar dhe orenditë e këtij objekti kanë fluturuar jashtë.
Nëna me tri fëmijët kishte shkuar në hotel për të pastruar para ardhjes së turistëve, por gjatë natës kishte rrjedhur gaz e në mëngjes, teksa Alketa ishte zgjuar për të përgatitur kafen, kishte ‘inciuar’ dhe shpërthimin./Gazeta Shqip
