Akuzohet Xhafa,
nga e shkreta bandë,
se na paska futur,
një nen kontrabandë!
Nen jo dokudo,
po në Kushtetutë,
duket ish ministrat,
nuk janë mirë nga trutë!
Një konspiracion,
na paskan zbuluar,
po gjithë deputetët,
e kanë votuar!
Edhe Alibeaj,
ky idiot i zgjuar,
bashkë me të tjerët,
nenin ka votuar!
Të dy ish ministrat,
nga truri kanë lojtur:
“Xhafa ka bërë nenin,
vëllanë për të mbrojtur!”
I them Alibeut,
hesht o budalla,
se si rasti i Xhafës,
qindra raste ka!
Hesht-o budalla,
dhe centro pak trutë,
neni më i mirë,
është në Kushtetutë!
Ai nen- patjetër,
është një siguresë,
për djemtë që dënohen,
fare në mungesë!
Se na ato gjyqe,
gjenden shkelje plot,
shpesh gjykatë e huaj,
ja ka futur kot!
Aspak ekstradimi,
tani nuk ndalohet,
por duhet-që çështja,
prapë të rigjykohet!
Po kur rigjykimit,
ti i thua:”Jo!.”,
tregon se gjykimi,
është bërë shkel e shko!
Akuzojnë Xhafën,
këta injorantë,
kur një dekoratë,
i takon garant!
Po ju pyes prapë,
o zotërinj hajvanë,
kush duhet t’i mbrojë,
këta djemtë tanë!
Edhe vëllai i Xhafës,
meriton të mbrohet,
si qindra të tjerë,
prapë të rigjykohet!
Gjyqet në mungesë,
di plot raste vetë,
pa frikë mund t’i quash,
skandal i vërtetë!
Dhe nga një skandal,
ne e dimë të tërë,
ndaj dhe ai nen,
për këtë është bërë!
Për këtë është bërë,
o trap i pamend,
që sot drejtësia,
të vihet në vend!
Se një ish ministër,
s’bën të tilla gafa,
thjeshtë se i dënuar,
është dhe Agron Xhafa!
Unë asnjë gjykate,
nuk i zë dot besë,
me avokat shteti,
edhe në mungesë!
Me mijëra lëvdata,
Xhafa meriton,
se padrejtësinë,
ky nen e frenon!
Nëse rigjykimin,
ti nuk pranon sot,
tregon se Vendimit,
ja ke futur kot!
Ai nen të shkruhet,
me të artat germa,
paçka se armikun,
ne e kemi brenda!
Nuk di shumë nga ligjet,
por sot di të them,
i lumtë Fatmir Xhafës,
që shtoi atë nen!
Legenat e SHQUPIT,
vllait i referohen,
po me atë nen,
qindra shqiptarë mbrohen!
Arben Duka
