Baba Vanga, gruaja e verbër që thuhet se ka parashikuar sulmet e 11 Shtatorit dhe Brexit-in, ka bërë parashikime edhe për vitin 2021. Emri i vërtetë i Baba Vangës është, Vangelia Gushterova dhe njihet gjerësisht si Nostradamusi i Ballkanit.
Ajo humbi shikimin në moshën 12-vjeçare dhe pretendoi se në të njëjtën kohë Zoti i dha aftësinë që të shikonte të ardhmen. Baba Vanga ka parashikuar se universi do të shkatërrohet në vitin 5079, ndërkohë që ka folur edhe për shpërbërjen e Bashkimit Sovjetik, apo vdekjen e Princeshës Diana.
Po çfarë ka parashikuar Baba Vanga për vitin 2021?
Siç pretendon tabloidi britanik “The Mirror”, ne do të jemi dëshmitarë të rënies ë Bashkimit Evropian, një atentat ndaj presidentit rus Vladimir Putinit, riaktivizimin e ekstremistëve islamikë në Evropë, njerëz që ndahen nga besimi i tyre fetar, ndryshime të mëdha në vetëdijen, dhe trenat fluturues falë energjisë diellore.
Ndërsa ish-presidenti i Amerikës, Donald Trump do të preket nga një “sëmundje misterioze që do ta lërë atë të shurdhër, dhe do t’i shkaktojë trauma në tru”.
