Nga sot kanë hyrë në fuqi masat e reja shtrënguese për shkak të situatës së Covid-9 në Kosovë, të cilat do të qëndrojnë deri më 13 shtator.
Ndërkohë, dhjetëra shtetas të Shqipërisë janë kthyer nga pala kosovare, pasi nuk kishin test dhe certifikatë vaksinimi, ndërkohë që në Morinë ka një fluks të hyrjeve të kosovarëve për në Shqipëri pa dëshminë e asnjë dokumenti.
Sipas masave të reja të gjithë personat e pavaksinuar që do të hyjnë në Kosovë edhe përmes pikave të kalimit kufitar me Shqipërinë pavarësisht shtetësisë, duhet të ofrojnë dëshmi për vaksinim apo teste PCR dhe antigjen ose në të kundërtën duhet të izolohen për shtatë ditë.
“Ky është kufiri Shqipëri-Shqipëri.
Albin Kurti pasi premtoi 16 vjet bashkim kombëtar, sot mbylli kufijtë për shqiptarët e jugut.
Të hysh në Kosovën e Albin Kurtit është më keq:
– se në murin amerikan me Meksikën
– se në murin turk me Iranin
– se në murin kinez
– se në murin Shengen me BE
Do thoni ju që e ka inatin me Edi Ramën.
Dakor Dakort por sot ai ka ndarë një popull në dy pjesë dhe jo dy parti…..
Jam i sigurtë që nga Serbia mund të hyni më lehtë në shtetin e dytë shqiptar por që drejtohet nga bajraktar.
Gjithmon trishtohesha kur fqinjët na akuzonin: “Shqiptarët s’kanë aftësi shtet formuese”, shkruan Kreshnik Spahiu, që komenton situatën
