Edhe pse pas paralajmërimit për dorëheqje të Zoran Zev, ‘Open Ballkan’ në Beograd u vu në pikëpytje, sot takimi do të mbahet dhe nga Maqedonia e Veriut do të marrë pjesë zv. kryemnistri Nikolla Dimitrov.
Zv.kryeministri i Maqedonisë së Veriut Nikolla Dimitrov, do të marrë pjesë në vend të Zoran Zaev në takimin, në kuadër të iniciativës për bashkëpunim rajonal “Open Balkan”, që do të mbahet nesër dhe pasnesër në Beograd.
Agjenda për këtë takim që organizohet nga Këshilli Atlantik, përfshin edhe panel diskutimi me temë “Transformimi digjital si dorë ndihmëse për integrimin rajonal”, në të cilën do të ketë përfundime dhe më pas do të mbahet konferencë për shtyp.
Edhe kryeministri Edi Rama udhëton drejt Serbisë për të marrë pjesë në takim. Dje presidenti i Serbisë, Aleksandër Vuçiç vuri në dyshim zhvillimin e takimeve në Beograd, pasi në një postim në ‘Facebook’.
“Mbështetje e fortë Open Balkan. A duhet të mbajmë apo shtyjmë një takim në Beograd, duke marrë parasysh ngjarjet në Shkup?”, shkruajti Vuçiç.
Open Balkan është një nismë mes Shqipërisë, Maqedonisë së Veriut dhe Serbisë. E njohur më herët si Mini-Shengeni Ballkanik, nisma ka nxitur debat mes vendeve të Ballkanit, ku Kosova, Mali i Zi dhe Bosnja e Hercegovina nuk kanë pranuar të angazhohen.
