Një demokrate i ka thënë ish-kryeministri Sali Berisha gjatë “Foltores” që po mbahet në Lushnje se u ka shumë borxhe atyre.
Gjatë fjalës së saj, demokratja u shpreh se e gjithë Lushnja dhe qarku i Fierit i kanë dhënë shumë vota Partisë Demokratike, por nuk e kanë marrë asnjëherë atë që kanë merituar nga PD-ja.
Ajo shtoi se ata u kanë hapur derën shumë personave, të cilët më vonë në vend që t’i respektonin i kanë quajtur frikacakë.
“A do legjitimohen pushtetet dhe funksionet dhe gjëja e dytë që do parashtroja është se ju dhe shumë të tjerë i keni shumë borxhe demokratëve Lushnjarë, pasi nuk e kanë marrë atë që kanë merituar nga PD-ja.
Ne në qarkun e Fier kemi qenë ata që i këmi dhënë PD-së më shumë vota, po asnjëherë nuk jemi vlerësuar. Nën petkun e të deleguarve ne u kemi hapur derën e partisë shumë personave, por ne nuk e bëjmë këtë nga që jemi frikacakë, pasi shumë na thonë që kemi frikë edhe lepuri.
Por në fakt ne jemi njerëz me shumë vlerë dhe devotshmëri brenda vetes sa kemi respektuar dhe u kemi hapur derën gjithkujt, por në vend që të na respektonin na kanë bërë të ndihemi të pa vlerë.
Ju sot ndiheni i indinjuar pasi ju kanë prekur të drejtën tuaj, por ju duhet të pyesni veten se sa demokratë janë ndjerë të fyer dhe janë prekur pasi nuk kanë marrë atë që kanë merituar ,” tha ajo.
Aktivistja në fjalë është dënuar më 2009 për korrupsion në tatime.
“Ne lidhje me te arrestuarit, policia shpjegoi se Nevila Bami, 34 vjece, e cila ka lindur dhe banon ne Lushnje, eshte aktualisht drejtoreshe e Tatim-Taksave ne Fier. Ish-kandidatja per deputete dyshohet se eshte nje nder personat kryesore qe ka shkaktuar kete dem ne shtet, duke mos paguar TVSH-ne per disa biznese.
Ndaj saj, Gjykata e Rrethit Gjyqesor Tirane, me vendim te dates 17.10.2009, ka vendosur masen e sigurise “arrest shtepie” dhe “ndalim te perkohshem te ushtrimit te veprimtarive, te caktuara profesionale”, per vepren penale te “falsifikim te vulave stampave ose formulare”, “vjedhjes se kryer duke shperdoruar detyren” dhe “falsifikim te dokumenteve”.
https://top-channel.tv/2009/10/21/fier-arrestohet-drejtoresha-e-tatimeve/
