Ish-kreu i KED, Ardian Dvorani ka dhënë një prononcim për mediat pas vendimit të GJKKO për pushimin e padisë së ngritur ndaj tij, nga Presidenti Ilir Meta.
Ai është shprehur për mediat se nuk ka përplasje asnjë institucion dhe ka respektuar vendimin e dalë nga gjykata. Dvorani shtoi se koha e gjyqeve publike ka mbaruar duke shtuar se ajo nuk bëhet në media, por në gjykatë.
“Nuk mendoj që më shkon mua të bëj interpretime të mia. Unë s’kam përplasje me asnjë institucion, thjesht ushtroj detyrën. Të jesh gjyqtar është përtej realitetit të kem përplasje me institucioneve.
Unë zbatoj vetëm ligjin, nuk kam përplasje me askënd. Është e drejta e zotit Meta që të ketë interpretimin e tij, nuk jam askush ta paragjykoj. Janë institucionet ato që vendosin. Koha e gjyqeve popullore i përket një epoke të kaluar. Çështjet nuk bëhen nëpër media, përtej gjithë respektit, por vendosen në gjykatë”, tha Dvorani.
