Dy ditët e fundit disa grupe me njerëz të krimit dhe ish drejtorë të korruptuar në kohën e qeverisë Berisha, janë afruar dhe kanë nisur të rrethojnë selinë e Partisë Demokratike.
Ka informacione se Sali Berisha mund të organizojë një sulm për të marrë selinë e PD-së me dhunë, pra përmes një puçi.
Përplasja mes Sali Berishës dhe Lulzim Bashës pritet të dalë jashtë kontrollit. Me afrimin e dy Kuvendeve paralele, nuk përjashtohet mundësia e një konfrontimi fizik mes dy grupeve për të kontrolluar selinë e Partisë Demokratike, të cilën Sali Berisha ia rrëmbeu shtetit 9 vite më parë, me anë të Arben Imamit dhe Bujar Nishanit.
Krahas demostrimit të forcës kundër SHBA-së me bandën e tij të korrupsionit dhe krimit, gjatë turit nëpër Shqipëri, Sali Berisha mësohet se i ka kërkuar në mënyrë ultimative Lulzim Bashës që të largohet nga selia e Partisë Demokratike pas datës 11 dhjetor 2021.
Në Kuvendin e partisë që pritet të mbledhë në 11 dhjetor, Sali Berisha do të shpallë veten kryetar të Partisë Demokratike. Për rrjedhojë, nga ajo ditë Berisha nuk do ta njohë më Lulzim Bashën si kryetar.
Në këto rrethana, ditët e fundit, Sali Berisha i ka kërkuar Bashës që t’i lirojë Foltores selinë e PD-së në datë 12 dhjetor 2021, një ditë pas mbledhjes së Kuvendit. Sipas burimeve, Berisha ia ka përcjellë Bashës këtë mesazh me anë të krahut të tij të krimit, Agron Kuliçaj, i skeduar nga amerikanët për lidhje me krimin dhe trafiqe, ndërsa është akuzuar për zhdukje njerëzish me porosi të Berishës.
Kuliçaj kujdeset këto ditë për sigurinë e Sali Berishës, sidomos pas aksidentit misterioz në Milot, ku një makinë gati sa nuk mori para makinën në të cilën ishte Sali Berisha.
Lulzim Basha ka refuzuar në mënyrë kategorike për të braktisur selinë e Partisë Demokratike. Por, dy ditët e fundit Sali Berisha po tregon se paralajmërimin për Bashën e ka seriozisht. Dy ditët e fundit disa grupe me njerëz të krimit dhe ish drejtorë të korruptuar në kohën e qeverisë Berisha, janë afruar dhe kanë nisur të rrethojnë selinë e Partisë Demokratike.
Ka informacione se Sali Berisha mund të organizojë një sulm për të marrë selinë e PD-së me dhunë, pra përmes një puçi. Grupi i Lulzim Bashës mësohet se ka informuar organet e policisë, prokurorinë, ambasadat dhe shërbimin informativ. Struktura të posaçme policore po qëndrojnë në gatishmëri për të ndërhyrë në çdo moment./Pamfleti
