Lëvizja Socialiste për Integrim është drejt braktisjes edhe nga kryetarët e bashkive. Sipas informacioneve, ditët e fundit kryetarja e LSI, Monika Kryemadhi ka patur debate të forta dhe të ashpra me kryebashkiakët dhe për këtë arsye pritet që në ditët në vijim këta të fundit të bashkohen me Partinë Socialiste.
Pra përveç, këshilltarëve bashkiakë dhe distancimit të deputetëve të LSI si, Robert Bitri apo Edmond Haxhinasto, një tjetër furtunë do ta prekë Lëvizjen Socialiste për Integrim. Me largimin e pritshëm të disa kryebashkiakëve të kësaj force politike, situata për të do të bëhet edhe më e rëndë, duke shkuar edhe drejt shpërbërjes totale.
Por situata nuk paraqitet e mirë as në selinë blu. Bashkëpunimi me LSI-në dhe Monika Kryemadhin ka nxehur gjakrat mes demokratëve .
Përveç kryebashkiakëve të LSI, pritet që në ditët në vijim edhe kryebashkiakët e Partisë Demokratike ta braktisin këtë të fundit për t’u bërë pjesë e partisë në pushtet.
