Aktori Vis Pupa dje hodhi një video në faqen e tij FB ku thotë se ka ndërmend të rikthehet me humorin, nëpër rrjetet e tij sociale.
“Të rikthehet” është një lajm shumë i mirë, qoftë edhe nëpërmjet rrjeteve sociale, sepse Visi nuk jeton në Shqipëri prej disa vitesh tashmë.
“Kam një kërkesë” thotë Visi, “nëse keni dëshirë mund të ndani me mua histori nga më të çuditshmet që ju kanë ndodhur, mund të mi dërgoni në inbox, anonimati është i sigurt” premton ai.
Ai u drejtohet njerëzve që mendojnë se shumë rregulla, tradita apo zakone që kemi, duhen ndryshuar për mirë.
“Jo çdo rregull i vjetër është i vlefshëm në ditët e sotme”, vazhdon Visi, “sikurse jo çdo gjë e re dhe moderne është e dobishme”.
“Unë e di që çfarë do që të bëj, njerëzit do i nxjerrin bishta”, thotë ai dhe sjell disa shembuj komentesh në profilin e tij që të shkrijnë së qeshuri.
Klikoni këtu për të parë videon e Visit dhe i themi që po presim gjëra të bukura, si gjithmonë.
