Pas dëshmisë prej gati katër orësh të kryetarit të Bashkisë së Tiranë, Erion Veliaj, ka rinisur Komisionit Hetimor. Sekretari i Përgjithshëm i Kryeministrisë, Ëngjëll Agaçi po dëshmon tani në Komisionin Hetimor të Inceneratorëve.
Në sallë janë të pranishëm edhe përfaqësues të Ambasadës britanike në Tiranë.
Ëngjëll Agaçi: Nuk e njoh dhe nuk jam takuar kurrë me Klodian Zoton. Faleminderit që më thirrët në këtë Komision dhe që më dhatë mundësinë të flas për këtë çështje ndaj së cilës hidhet kaq shumë baltë.
Është thënë padrejtësisht se Këshilli i Ministrave ka dhënë një autorizim për këto procedura, ky fakt nuk është i vërtetë.
Ju lutem më lini pak kohë ta mbaroj. Unë nuk jam një politikan, hera e parë që kam mundësi të sqaroj këtë gjë.
Ajo që ka më shumë rëndësi, për këtë komision hetimor është që Këshilli i Ministrave nuk ka miratuar kurrë projekt-aktin ku ju u referuat.
Nuk është propozuar kurrë për shqyrtim dhe prandaj nuk është miratuar kurrë. Është shumë e thjeshtë për ta verifikuar.
