Anëtari i Komisionit të Rithemelimit Edmond Spaho, ka sulmuar ambasadoren e SHBA Yuri Kim. Spaho u shpreh, dje në rrjetet sociale se zgjedhjet e 6 marsit treguan që qytetarët shqiptarë nuk ndikohen nga deklaratat e ambasadorëve. Ai theksoi, se ambasadorët nuk e kanë për detyrë që të përcaktojnë detyrat në një vend dhe as brenda një partie politike.
“Këto zgjedhje na ka nxjerrë leksionin që qytetarët shqiptarë kanë arritur të pika që nuk pyesin çfarë thonë ambasadorët, nuk është detyra e tyre të përcaktojnë detyrat brenda vendit dhe aq më tëper brenda një partie politike”, tha ai.
Ndër të tjera, Spaho nuk hezitoi të sulmonte kryedemokratin Lulzim Basha, për të cilin tha se njerëzit kanë filluar të neveritennga kokëfortësia e tij. Ai tha, se Basha mbahet si politikan i shkolluar në perëndim, por sipas tij, është njësoj si të jetë shkolluar në shkollat tona.
“Beteja tani fillon. Më vjen keq që e ka vënë veten në një pozicion kaq të palakmuar, njerëzit kanë filluar të ndiejnë neveri nga kjo lloj retorike, kokëfortësie. Ne themi politikan i ri dhe i shkolluar në Perëndim, por ky sikur e ka bërë shkollën në Penjan”, tha ai.
Spaho sulmon Yuri Kim
Ndërkohë, anëtari i Komisionit të Rithemelimit, Edmond Spaho, komentoi deklaratën e ambasadores së SHBA, Yuri Kim, e cila më herët pyeti kandidatët e Berishës se çfarë u ofrojnë votuesve në një kohë kur sponsori i tyre është “non grata”. Spaho e cilësoi të papranueshme dhe ndërhyrje në punët e brendshme të Shqipërisë.
Sakaq, Spaho tha se Kim tregoi një shembull që s’duhet ndjekur ndërsa theksoi se ka shkelur Konventën e Vjenës për statusin e diplomatit.”E gabuar, shkelje e ligjeve dhe Kushtetutës, shkelje e Konventës së Vjenës për statusin e diplomatëve dhe përfshirje në fushatën elektroale për zgjedhjet e 6 marsit.
Nuk është hera e parë që veprohet nga Yuri Kim në këto shina. Efekti ka qenë për të qenë i sinqertë, i kundërt. Sa më shuëm trajtohet në këtë këndvështrim, aq më shumë rritet mbështetja për kandidatët e “Shtëpisë së Lirisë”. Këto rregulla do duhej të respektoheshin.
S’jemi në provinca ku ligji lihet mënjanë dhe shkelet sipas dëshirës duke futur hundët së kë duhet të votojnë qytetarët. SHBA-të janë demokracia më e madhe në botë nga e cila ne mësojmë, askush s’do lejojë në atë vënd që të ndërhyhej, se kë të votojnë zgjedhësit amerikanë dhe kë duhet të kenë kreun e kongresit.
Standardet që zbatohen në vendet demokratike, nëse duam të forcojmë demokracinë, ta zbatojmë dhe këtu, Rasti i sotëm, shembull që s’duhet vepruar”, tha Spaho.Ndër të tjera, Spaho më herët ka sulmuar edhe liderin demokrat Lulzim Basha. Në një postim në rrjetet sociale, Spaho shprehet se Basha ka tetë vjet që mban peng PD-në dhe Shqipërinë.
“Ka 8 vjet që mban peng PD, opozitën dhe Shqipërinë, na la edhe 4 vite të tjera në opozitë në 25 prill dhe ka guxim të thotë që askush nuk mund ta marrë peng Shqipërinë.Thuaj pastaj që nuk kanë të drejtë këmbët të ngrihen e ti bjenë kokës”, tha ai.
