Presidenti ukrainas, Volodymyr Zelensky ka thënë se miliona njerëz mund të vdesin, nëse bota nuk e ndihmon Ukrainën, përpara se të jetë vonë.
Presidenti ukrainas, ka përsëritur kërkesën e tij që liderët perëndimorë të vendosin një zonë ndalim-fluturimi mbi vendin e tij. Ai ka apeluar që këto masa të merren sa më shpejt.
“Mos prisni që unë t’ju pyes disa herë, një milion herë. Mbylleni qiellin”, ka thënë Zenelsky.
Vendet perëndimore, përfshirë SHBA-në dhe Britaninë e Madhe, kanë përjashtuar një zonë ndalim-fluturimi pasi kjo mund t’i sjellë ato në konflikt të drejtpërdrejtë me Rusinë.
Zelensky tha se vendet perëndimore përfundimisht do të krijonin një zonë ndalim-fluturimi, por vetëm pasi të kishte filluar “Lufta e Tretë Botërore” dhe deri atëherë “do të jetë tepër vonë”.
Ai shtoi: “Më besoni, nëse zgjatet në këtë mënyrë, do të shihni… ata do të mbyllin qiellin, por ne do të humbasim miliona njerëz”.
