Në pamundësinë e qeverive për të investuar në infrastrukturën shëndetësore dhe në shërbimet shëndetësore nisën të përdoren koncesionet. Si gjetje kjo nuk mund të konsiderohet e gabuar.
Problemi qëndron se si janë dhënë koncesionet, kujt i janë dhënë dhe sa kanë realizuar qëllimin për të cilin u dhanë.
“Si shoqëri civile kemi kontatuar se është abuzuar me mënyrën si janë dhënë dhe janë para të hedhura kot” u shpreh Egla Bardhi, drejtuese “Together for Life”
Në sistemin e shëndetësisë janë dhënë katër shërbime me koncesion. Bëhet fjalë për check-up, hemodializën, sterilizimin e pajisjeve mjekësore dhe laboratorët.
Që nga viti 2015, llogariten më shumë se 140 milionë euro, që buxheti i shtetit ka paguar për koncensionet në shëndetësi.
“Shpenzimet për koncesionet përbëjnë rreth 23% të totalit të buxhetit të shëndetësisë” u shpreh Egla Bardhi, drejtuese “Together for Life”.
Sipas të dhënave të Ministrisë së Financave, niveli më i lartë i financimit të tri koncensioneve të para u arrit në vitin 2019, me 3,8 miliardë lekë, ose rreth 31 milionë euro.
Për vitin 2020, pas pandemisë, financat e kanë rishikuar buxhetin me ulje dhe pagesat totale parashikohen në total 2,8 miliardë lekë, ose 25% më pak se në vitin 2019.
Në pjesën e dytë të vitit 2020, filloi zbatimi i koncesionit të katërt, atij të laboratorëve, për të cilin janë parashikuar 400 milionë lekë.
Katër koncesionet, janë parashikuar për një periudhë 10-vjeçare, me një shumë totale prej 45,5 miliardë lekësh, ose rreth 370 milionë euro.
Për këto koncesione ka patur shumë kontestime si nga ekspertë të shëndetësisë ashtu edhe nga institucionet. Kontrolli i Lartë i Shtetit ka gjetur shkelje në këto kontrata si dhe ka kërkuar nisjen e hetimeve për zyrtarët e përfshirë.
“Vazhdojmë të kemi shërbime më të kushtueshme e ndërkohë vazhdojnë të përdoren asetet e shtetit, labortaorët, personeli shtetit dhe fitimet shkojnë te private.
Sipas edhe raporteve të KLSH janë siguruar fitime të pamerituara për koncesionarë anonim që janë të dyshuar për vendimarrje korruptive dhe abuzuese” u shpreh Zef Preçi, ekspert ekonomie.Top Story
