Turistët e shumtë që kishin zgjedhur të vizitonin Tiranën këtë të shtunë janë përballur me përballur me një pamje krejt të shëmtuar. Rrjeta të rrëzuara, gurë, bidonë dhe pankarta të hedhura në bulevard apo në lulishte kanë qenë ajo që ofronte për ta kryeqyteti pas protestës së opozitës.
Dhjetëra turistë të ardhur nga Gjermania, Çekia dhe vendet nordike, teksa vizituan sheshin “Skënderbej”, si dhe lulishten e re pas monumentit të Heroit tonë Kombëtar, kanë mbetur të befasuar nga ajo që panë, duke përcjellë në këtë mënyrë edhe një mesazh të keq te miqtë e tyre europianë.
Në një kohë që revistat më prestigjioze në botë shkruajnë për transformimin që ka pësuar Tirana, pamja e sotme në kryeqytetin shqiptar përcolli një mesazh tepër negativ për turistët e huaj.
https://youtu.be/KZr64EbOLqI
(Turistët në kryeqytet)
