Ministrja e Infrastrukturës dhe Energjisë, Belinda Balluku, në një konferencë për mediat paraqiti masat e marra në vend për kufizimin e enrgjisë. Ministrja tha se energjia do të ndërpritet në disa akse kryesore të vendit, si dhe ato me degëzim. Po ashtu edhe për insttiucione do të ketë ndërprerje pas orës 00:00.
Megjithatë nga masat e marra nuk do të preken familjarët apo dhe bizneset e vogla, për të cilët nuk do të ketë ndryshime në çmim apo ndërprerje.
Balluku tha se energjia duhet të kursehet pasi sasitë në tregjet ndërkombëtare janë të limituara.
“Duke qenë se reshje nuk do të kemi në 2 javët e ardhshme, rëndohet situata dhe do i drejtohemi importit, si rrjedhojë do të na duhet të konsumojmë sa më pak energji elektrike. Nesër është bërë kërkesë importi 17 mijë e 800 MËh energji.
ARRSH në bashkëpunim me OSHEE do të marrin masat për ndërpjerje në disa akse rrugore kombëtare, si Tiranë-Durrës, Qafë Kashar-Rinas, Korçë-Ersekë, Lin-Pogradec etj. Po ashtu ndërprerje do të ketë edhe në akset kombëtare në degëzim, siç janë Bypass i Fierit me hyrje dalje, Lezhë-Shëngjin dhe Shkodër-Hnai i Hotit. Nga këto masa nuk do të preken ato aske që cënojnë sigurinë rrugore, siç janë rrethrrotullimet.
Gjithashtu edhe institucionet do të kufizojnë energjinë për ndriçime të panevojshme dhe jo të domosdoshme, duke nisur nga ora 00:00.
Nga këto masa, mbrohen abonetët e tensionit të mesëm, familjarë, biznesi i mesëm, për të cilët nuk do të ketë ndryshim në çmim.
Sasitë në tregjet ndërkombëtare janë të limituara, ndaj kërkojmë mirëkuptimin tuaj,” u shpreh ministrja Balluku.
Këto masa të kursimit vijnë si një mënyrë për të parandaluar, tha Balluku, që të mos ndërpritet energjia për të gjithë qytetarët. Kriza energjetike është një nga pasojat e luftës në Ukrainë, për të cilat qeveria shqiptare ka sqaruar se ka gati një plan kursimi jo vetëm për institucionet, por edhe për vetë qytetarët
