Nga Adriatik Doci
Arrestimet nga SPAK janë inkurajuese, pasi vringëllimën e kosës kanë nisur ta dëgjojnë gjithnjë e më pranë kokat e korrupsionit. Të mos harrojmë se afera e inceneratorëve doli në sipërfaqje në momentin kur Ilir Meta doli jashtë lojës së ndarjes së parave. Është ndër të paktat afera në Shqipëri ku Ilir Meta doli duarbosh ose me thërrime.
Kjo solli fillimisht një grindje të nëndheshme të Metës me dy bashkëpunëtorët e tij Lefter Kokën dhe Alqi Bllakon, ndërsa më pas sherri shpërtheu në publik me akuza dhe përfundoi me ndarje.
Nisur nga këto rrethana faktike, arrestimet për historinë e inceneratorëve do të mbeten thjeshtë një larje hesapesh brenda klaneve të korrupsionit, sidomos në shtëpinë e korrupsionit (LSI), nëse nuk do të priten fletëarreste për aferat me ARMO-n, CEZ-in, CEZ-DIA, hec-et, Gërdecin, 21 Janarin, privatizimet, koncesionet e 15 viteve të fundit etj.
