“Krimeja dhe Donbasi do të jenë çështje të zgjidhura vetëm kur Ukraina të ketë rivendosur sovranitetin e saj mbi këto territore.”- kështu deklaroi zëdhënësi i Ministrisë së Jashtme të Ukrainës, Oleg Nikolenko.
Mesazhi i Nikolenkos vjen si kundërpërgjigje ndaj Rusisë, pas deklaratës së ministrit të Jashtëm rus, Sergei Lavrov, se negociatat në Stamboll i kanë dhënë zgjidhje “çështjes së Krimesë dhe Donbasit”.
Vlen të theksohet se, pas tëheqjes nga Kievi dhe Chernihiv, Rusia ka ofruar armëpushim edhe në Mariupol.
Kjo nuk është hera e parë që ndodh: dy javë më parë rezidentëve në qytetin e rrethuar iu ofrua një pushim në këmbim të dorëzimit të armëve dhe evakuimit të vetë qytetit. Këtë herë armëpushimi do të fillojë në orën 10 të mëngjesit.
