Pasi GJKKO e dënoi sot me ‘arrest me burg’, ish-deputeti i PS-së Alqi Bllako u shfaq me pranga në duar dhe i shoqëruar nga efektivët e policisë.
Prokuroria e Posaçme vuri nën akuzë 11 zyrtarë dhe ish zyrtarë të Ministrisë së Mjedisit e bashkisë së Elbasanit, një biznesmen dhe dy administratorë të incerenatorit në Fier.
Hetimi për këtë nisi pas kallëzimit penal të Partisë Demokratike, LSI dhe në qendër të hetimit ishte kontrata koncesionare mes ministrisë së mjedisit dhe kompanisë “Integrated Technology Waste Treatment Fier”.
Hetuesit thonë se kanë gjetur veprime të kundërligjshme dhe korruptive ku deputeti është i përfshirë.
Ish-deputeti tashmë i drejtohet qelisë. Në video vihet re momenti kur Bllako futet në furgonin e policisë i ndihmuar nga efektivët.
