Në Kongresin e PS Edi Rama i bëri thirrje SPAK që të hetojë Sali Berishën. Ndonëse nuk ia përmermendi emrin, Rama foli për shpalljen e tij non-grata.
“SPAK-u ka një detyrim që e tejkalon shtetasin e ndaluar familjarisht të hyjë në SHBA. Ajo deklaratë ose ka bazë ose nuk ka bazë. Këtë duhet ta thotë drejtësia. Ajo deklaratë e mbetur pa përgjigjen e drejtësisë, për të gjitha ata që kuptojnë dy gram nga marrëdheniet ndërkombëtare dhe kuptojnë një gram nga pesha e marrëdhënieve të Shqipërisë me SHBA, është gur në qafën e Shqipërisë. SPAK-u duhet t’ja hequr Shqipërisë këtë gur nga qafa, duke e ndarë, ka bazë s’ka bazë. Që shqiptarët, edhe ata krejt pa tru, ta marrin mesazhin nëse ka ose bazë”, u shpreh Rama.
Kryeministri Rama gjithashtu iu ka drejtuar SPAK dhe iu ka bërë thirrje që kjo kërkesë të mos lexohet dhe të mos merret si dobësi nga prokurorët dhe SPAK.
“Dashtë zoti që mbështetja jonë pa kushte, një shumicë si ne, të mos e hapë gojën për asnjë lloj vendimi, duke e mbështetur symbylluri drejtësinë, dhëntë zoti që të mos e lexojnë si dobësi prokurorët e SPAK”, u shpreh Rama ë fjalën e tij gjatë kongresit të PS-së.
Fjala e plotë:
Nuk është faji ynë që askush para nesh nuk e nisi këtë rrugë sepse të gjithë u stepën goditjen brenda rradhëve të pushtetit politik. Sikur ta kishin nisur më parë këtë reformë, do të kishim një Shqipëri tjetër. Janë humbur 25 vjet. Koha që humbet bashkë me mundësitë që sjellë është shumë më e gjatë.
Koha i solli Shqipëria nuk i shfrytëzoi. Duhet të durojmë dhe të shtrëngojmë dhëmbët për drejtësi. Duhet të durojmë absurditete. Dënohet një këngëtar se zgjeron dritare, ndërkohë që struktura policore presin akoma prej muaj që gjykatësit të mos marrin në mbrojtje në mbrojtje një pallat në breg të detit.
Nëse gjërat do të kishin ardhur tek arkat e peshkut dhe dritarja, nuk do habitej njeri, por në raport me sensin moral, ato janë skandale. Unë jam mbështetësi më i madh e i vendosur i SPAK, e duke qenë se kurrë nuk e kam thënë asnjë fjalë më shumë, më takon edhe një pyetje, ata që i nxorri vettingu jashtë se kishin shtëpi dhe apartamente nuk është thirrur asnjë për t’u pyetur; ku i ke gjetur këto 7 shtëpi?
Nëse nuk dënohen ata që japin drejtësi nuk bëhet një shtet. Dhëntë zoti se mbështetja jonë pa kushte, që një shumicë kaq e fortë sa ne të mos hapë asnjë fjalë, të mos e lexojnë si dobësi prokurorët e SPAK. Kampionët nuk janë në PS por në partitë e tjera. Kush rri në hijen e PS dhe ka llogari për t’i dhënë drejtësisë të shkojë.
