Ish-kreu i Shërbimit Informativ Shtetëror, Fatos Klosi ka zbuluar dje se shpalljet “non-grata”, vijon si rezultat i hetimeve të CIA e FBI. Teksa ishte i ftuar në një studio televizive, Klosi vendimi i SHBA për shpalljet non-grata një ditë më parë, është shumë i rëndësishëm, pas të cilit fshihen edhe institucione të tjera.
Madje, ai tha se fakti që me ata persona u mor shteti më i fuqishëm kur drejtësia shqiptare nuk bëri asgjë tregon shumë. “Reforma në drejtësi po bën hapat e para, ndërkohë njerëzit prej shumë prej saj, unë një prej njerëzve, e kam mbështetur dhe e kam quajtur të domosdoshme reformën në Shqipëri. transparencë në qeveri është problem politik, mesa duket SHBA kërkon më shumë transparencë nga qeveria. Ne jemi në një periudhë akoma tranzicioni.
Jemi në një sistem që kërkon një pavarësi nga qeveria. Të merret shteti më i fuqishëm me personazhe që nuk u mor drejtësia shqiptare është shumë. Më vjen keq për ata dy njerëz por janë SHBA-të që e bëjnë këtë deklaratë. A i dha koha të drejtë Bashës pasi bashkë me Tom Doshin, Vangjush Dakon dhe Rakipin ishin përgjegjës për masakrën elektorale.
Më vjen për të qeshur sepse ai ka humbur shpeshherë. Ata ishin të bindur se do të fitonin dhe kur humbën nisën të thonin “masakër zgjedhore”. Çfarë thotë Basha janë broçkulla, s’i kam marrë asnjëherë seriozisht. Këto shpallje non grata mbështeten nga shumë institucione amerikane, është CIA, FBI dhe të tjera”, deklaroi ai.
Ndërkohë Klosi hodhi akuza ndaj Berishës. “Ne shohim që SHBA po e zgjerojnë fushën e aktivitet ku do ndihmojë Shqipërinë për një vend më të sigurt, tani problemi është i joni, qoftë për Berishën edhe për këta, tani problemi është i sistemit të drejtësisë.
“Pjesën e luanit” e marrin ata që janë më të rëndësishëm në vend, Berisha, Doshi e të tjerët. Familja e Berishës ka përfituar nga pozicioni i tij dhe pasuritë e aktivitet në biznes i kanë në saj të Berishës, ndaj janë non-grata e gjithë familja. Zoti Rakipi ka djalin deputet, natyrisht ata që kanë lidhje me këto probleme do ti bëjë të mendohen. E rëndësishmja nuk është dallimi mes dy grupeve të non-grata por që SHBA i konsideron persona të padëshiruar”, nënvizoi Klosi.
JU
