Shqipëria e drejtuar nga trajneri Krisitan Panuçi është një dështim total deri më tani.
Një skuadër që nuk të ngjall asnjë emocion, ekip pa ide, pa dëshirë dhe me një lojë katastrofike që nuk të jep asnjë dëshirë për ta ndjekur.
Kuqezinjtë morën një humbje turpëruese në miqësoren vllazërore të zhvilluar sot në mbrëmje në Zyrih kundër Kosovës me rezultatin e thellë 3-0.
Një fitore totalisht e merituar për skuadrën e Kosovës që i dha një leksion të pastër Shqipërisë që ka zhvilluar një 90 minutësh për tu harruar, duke mos e rrezikuar për asnjë moment portën e mbrojtur nga portieri Samir Ujkani.
Nga krahu tjetër Kosova ishtë në një lartësi për tu admiruar duke bërë një paraqitje fantastike,ç’ka dhe vetë rezultati i fitores e tregon mësë mirë.
Arbër Zeneli hapi serinë e golave në minutën e 21-të të takimi për Kosoën ku i vetëm përballë Berishës nuk fal duke e dërguar topin në rrjetë dhe pë t’i mbyllur 45 minutat e para me rezultatin 1-0.
Në fillim të pjesës së dytë është sërish Arbër Zeneli që dyfishoi rezultatin me anë të një goli mjaft të bukur të goditur nga distanca duke mos i dhënë asnjë shans Berishës që të reagonte.
Megjithatë, Kosova nuk do të ndalej pasi në të 67-ën Zhergova shënon dhe golin e tretë për ekipin e tij duke volusur përfundimisht në 3-0 rezultatin e takimit.
Një fitore shumë e merituar për kombëtaren e Kosovës që shfaqi një futboll mjaft të bukur, ndërsa nga krahu tjetër Shqipëria ishte për turp! (TemA)
Kliko KËTU për të ndjekur të gjithë rastet e ndeshjes dhe më poshtë golat e takimit
Goli i parë i shënuar nga Zeneli
Goli i dytë i shënuar nga Zeneli
Goli i tretë i shënuar nga Zhergova
