Të shtunën do protestoj se nafta ishte 200 lekë dhe tani është 150 lekë. Sheqeri nga 120 lekë u bë 70 lekë.
Do protestoj se tani paguaj energjinë elektrike kur dikur nuk e paguaja fare, e do protestoj se familjeve me ndihmë ekonomike u japin 1288 lekë kompensim për energjinë kur dikur nuk u jepnin fare.
Do protestoj se dikur ishin 6 mijë anëtarë këshillash bashkiakë dhe komunalë që paguheshin pa folur asnjë fjalë, ndërsa tani janë 900.
Do protestoj se dikur kur shkoja per Rrëshen nuk e vendosja rripin e sigurimit në makinë dhe tani vë rripin e sigurimit se shteti kujdeset per jetën time, ç’punë ka me jeten time qeveria?
Do protestoj se uji i pijshëm do të administrohet dhe matet, ndërsa dikur bëhej batërdia dhe shpërdorohej.
Do protestoj se tani ka ilaçe dhe çmimet e tyre janë ulur, ndërsa ministër shëndetësie ishte Nard Ndoka dhe Petrit Vasisli dhe për ilaçe vuanin të gjithë.
Do protestoj se nuk e lanë përsëri kryeprokuror ate që flinte dhe s’dënonte krimin, por zgjodhën një magjistrate dhe grua të hekurt.
Do protestoj se u ndërtuan tre stadiume të reja kombëtare.
Do protestoj se tani ka 700 portale, 30 gazeta, 60 televizione, 40 radio dhe asnjë gazetar apo qytetar nuk burgoset për fjalën e lirë.
Do protestoj se kudo ku pi kafen, të gjithë kamarierët apo banakierët paguajnë sigurimet shoqërore.
Do protestoj se tashmë në asnjë ambient publik ligji nuk të le të tymosësh më duhan.
Do protestoj se kryeministri e tha me zë të lartë e pa frikë në mes të Serbisë se Kosova është shtet i pavarur e sovran.
Do protestoj se 7 x 7 bëjnë 42 dhe jo 49 siç thote shkenca e matematikës dhe gjithe bota mbarë.
Do protestoj sepse dua që president i Federatës së Futbollit të rizgjidhet sërish Armando Duka që të përlajë prapë fondet e UEFA siç ka bërë 16 vjet rresht!
