Bledi Kasmi është kryeredaktori i gazetës Rilindja Demokratike që ngeli i dhunuar gjatë kohës kur po përpleshej policinë në protestën e thirrur nga opozita më 25 maj.
Ai u shfaq përmes pamjeve filmike duke shtyrë drejt vargut të efektivëve një rrjetë metalike.
Ngjarja e shënuar mjatoi që ai të heroizohet nga “selia blu” për të pompuar tubimin dhe sulmuar përmes saj kundërshtarin politik.
Kaq mjatoi që sjellja e tij agresive ndaj punonjësve të rendit, të merrte trajtën e një sjellje normale reporteri.
Po çfarë standarde profesionale ka përdorur Kasmi më 21 janar 2011 dhe çfarë ofron sot.
Në një shkrim të botuar nga organi zyrtar i shtypit në PD, “reporteri” i konisderon protestuesit si “barbarë” që mësyjnë në kryeqytet dhe forcat opozitare si “banda terroristësh”.
Nën titullin “Funerali i një partie”, Kasmi vlerësonte asaj kohe punën e punonjësve të rendit, megjithëse ngelën të vrarë 4 protestues, një kolegu i tij u plagos me plumb dhe u lënduan dhjetëra të tjerë.
Natyrisht që bilanci i 21 janarit dhe i 25 majit s’mund të krahasohen, ashtu siç nuk mund të krahasohen as standardet profesionale të kryeredaktorit në RD.
“Gazetari” shkonte më tutje ku paralajmëronte se qeveria më 21 janar nuk mund të binte në këtë formë dhe se kabineti “Berisha” po bënte detyrën.
Ai shkonte më tutje ku apelonte ndaj organeve të drejtësisë që të burgoste protestuesit që shkelën ligjin dhe nënvizonte dëmin që sillnin tubimet për integrimin e Shqipërisë.
Ndërkohë, sot “ylli polar” i listës Basha, ka ndërruar qëndrim mbi protestat.
Sot Kasmi kërkon drejtësi nën pretendimin se është dhunuar nga policia e shtetit, edhe pse është shfaqur nën petkun e një protestuesi.
Nëse sot ka reflektuar, të paktën të distancohet nga ky shkrim pasi gjaku vlen njëlloj. Në të kundërt, t’ja kursejë shqiptarëve moralin politik.
