Mafia e ilaçeve vijon të veprojë, lulëzojë dhe fuqizohet në Shqipëri, pavarësisht goditjeve të herëpashershme të prokurorisë, e cila në disa raste ka mbyllur dosjet, duke ndarë paratë me protagonistët e skemave të vjedhjes dhe mashtrimit.
Ndoshta tashmë do të duhet angazhimi i SPAK-ut për një shpartallim real, siç po godet grupet mafioze.
Brenda një viti, një rrjet me rreth 50 farmaci është ngritur me shpejtësi në Tiranë dhe disa qytete të tjera kryesore në vendit, jashtë çdo logjike normale zhvillimi biznesi, pa kapital dhe me burim të dyshimta të ardhurash.
Bëhet fjalë për rrjetin e farmacive ‘Ditë e Natë’, që operojani në fushën tregtimit të medikamenteve dhe vjedhjes me receta fiktive që rimbursohen me para publike.
Burime serioze thanë për Prapaskena se rrjeti i farmacive ‘Ditë e Natë’ është ngritur për zbatimin e një skeme korrupsioni mes Fondit të Sigurimit të Detyrueshëm i Kujdesit Shëndetësor me depot farmaceutike, për rimburimin e fiktiv të ilaçeve, marifet i cili zbatohet herë pas herë nga FSDKSH me operatorë të ndryshëm.
Depot farmaceutike Delta Med dhe Delta Farma furnizojnë me medikamente rrjetin e farmacive të tyre Ditë e Natë.
Mjekët firmosin receta me ilaçe të rimburueshme në vlera sa më të larta. Recetat shkojnë që të ekzekutohen fiktivisht tek farmacitë, nga farmacistët e rrjetit.
Më pas, në lojë hyn Albana Çela, drejtore e Fondit të Sigurimit të Detyrueshëm të Kujdesit Shëndetësor, që u jep paratë publike për ilaçet e rimbursueshme që gjoja janë shitur.
Barnat që gjoja janë shitur të sëmurëve, shkojnë dhe shiten jashtë vendit, kryesisht në Kosovë dhe Maqedoni, por edhe në Shqipëri. Paratë e fituara më pas ndahen sipas rolit në zbatimin e skemës.
Kush qëndron pas rrjetit të farmacive ‘Ditë e Natë’?
Pas aferës dyshohet se qëndron ish ministri i Shëndetësisë, Ilir Beqja, me disa ‘ujqër të vjetër’ të korrupsionit të ilaçeve. Ilir Beqja po hetohet aktualisht nga SPAK për koncesionet me vlerë mbi 300 milionë euro në shëndetësi, ku Edi Rama ka nisur t’i bëje presion SPAK për ta shpëtuar nga arrestimi.
Megjithatë, në letra figurojnë personazhe të tjerë, të cilët nëse SPAK do të nisë goditjen si grup i strukturuar kriminal, do të jenë të parët që do të përfundojnë në burg, duke u bërë kështu edhe objekt i sekuestrimit të pasurive.
Në skenë del Dorian Sadiku, njëfarë konsulli nderi në Portugali, me të shkuar të dyshimtë dhe pa ndonjë historik biznesi të konsoliduar.
Dorian Sadiku është administrator dhe pronar i kompanisë fantazmë të ndërtimit, “DELTA BUILDING – AL’, themeluar në 2015 me 100 mijë lekë, ndryshuar emrin në 2018 në ‘Metro Farmaci’. Kompania figuron me 3 punëtorë.
Dorian Sadiku, me anë të ‘Metro Farmaci’, kontrollon 90 % të kompanisë ‘Ditë e Natë’, që ka hapur rreth 50 farmaci, ndërsa pronari tjetër me 10 % të aksioneve është Klodiana Stopani, e cila ka hyrë në një lojë të madhe të biznesit me barnat.
Administrator i 50 farmacive është Fatjon Jani, i cili në çdo rast hetimi, do të jetë i pari që do të goditet. Ashtu si, Klodiana Stopani, edhe Fatjon Jani, kanë në pronësi farmaci të tjera në Tiranë, me veprimtari të dyshimtë.
Madje, Klodiana Stopani, bashkë me Redi Goga, kanë hapur që në vitin 2015 kompaninë ‘Farmacia Ditë e Natë’, duke e pezulluar disa herë.
Në mes qëndron edhe një tjetër kompani, “DITE E NATE Online”, themeluar në janar të vitit 2021, me administratore Eriola Nanaj. Më parë administrator ka qenë Redi Goga, ortaku i Klodiana Stopanit. Kontrollohet me 90 % të aksioneve nga kompania ‘Ditë e Natë’, ndërsa 10 % të aksioneve i ka polaku Szymon Kajetan Komorowski.
Të gjitha këto kompani të çojnë në letra drejt Dorian Sadikut, me kompaninë e tij fantazmë të ndërtimit, të cilës i ka vendosur më pas emrin ‘Metro Farmaci’. Pas tij vijnë Klodiana Stopani dhe Fatjon Jani.
Më pas vjen lista e farmacistëve, e cila nis me Dhuratë Shkurta, Anisa Serjani, Neliada Peçi, Zamira Zhavari, Gjergj Gjopalaj, Ermir Bogdani, Driola Aliaj, Olimbi Janko, Burbuqe Spahiu, Fiadesa Allamani, Fatma Eski, Artemisa Aliko, Suzana Karanxha, Lirda Telo, Euglen Mustafa, Besa Gjika, Erjona Hysa, Marilda Parllaku, Stelia Mema, Kristiana Spiro Anxhela Dallto, Linda Susajn etj (lista e plotë në vijim).
Dy janë linjat për të cilat prokuroria duhet të nisë sa më parë hetimet. Burimi i dyshimtë i parave për ngritjen e rrjetit të farmacive si dhe skema e ekzekutimit të recetave fiktive nga farmacitë e rrjetit për ilaçe të rimbursueshme.
Nga ana tjetër, skema nuk mund të zbatohet pa kupolën e Fondit të Sigurimit të Detyrueshëm të Kujdesit Shëndetësor, një nga organet më të korruptuara në Shqipëri, herë pas herë objekt i dosjeve penale të prokurorisë, si dhe pa kupolën e Agjencisë Kombëtare të Kontrollit të Barnave dhe Pajisjeve Mjekësore. Pjesë e skemës janë sigurisht depot farmaceutike, për të cilat do të flasim në vijim.
