Të rinjtë shqiptarë edhe pse në shumicë të papunë kanë pretendime kur vjen puna tek pagesat e punëve të cilat mund ti ofrohen. Ata megjithëse të rinj dhe pa eksperiencë pretendojnë të paguhen si profesionistë.
Sipas raportit të Deloitte “Hapat e parë në tregun e punës”, 17,1 përqind e të rinjve pretendojnë të paguhen 35-45 mijë lekë, 17,6 përqind mes 45-55 mijë lekë, 11,5 përqind mes 55 – 65 mijë lekë dhe 17.6 5 përqind nga 65-100 mijë lek.
Rreth 21.2 përqind nuk e kanë një ide mbi pagën që duan të kenë, ndërsa ka dhe nga ata që mendojnë se mund të paguhen me mbi 100 mijë lekë në muaj.
Sipas raportit paga është faktori i katërt i renditur nga të rinjtë shqiptarë për të zgjedhur një punëdhënës të caktuar.
Si faktor kryesor në vendin tonë renditet mundësia për tu zhvilluar dhe për të fituar aftësi të reja.
Pyetjes se cilat do të ishin arsyet kryesore për të ndryshuar punëdhënës, ata sërish rendisin çështjen e nivelit të pagës si arsye të katërt ,ndërsa shprehen se do të merrnin një vendim të tillë nëse nuk do të ishin vlerësuar mjaftueshëm për punën e tyre.dhe
Sipas raportit vihet re se vajzat kanë pritshmëri më të ulta për pagën.
