Tiranë do të presë më 26, 27 dhe 28 gusht “Sunny Hill Festival”, festivalin ku do të marrin pjesë personazhe të njohur të muzikës botërore. Me afrimin e festivalit ka nisur dhe publikimi i artistëve që do të marrin pjesë si reperi italian Fedez, reperi anglez Stormzy dhe së fundi Dj. Hardwell.
Një nga të ftuarit e veçantë që do të performojnë për dashamirësit e muzikës elektronike do të jetë dhe DJ i njohur në të gjithë botën, Robbert van de Corput, i njohur si Dj. Hardwell.
Organizatorët e “Sunny Hill Festival” shkruajnë se Dj. Hardwell do të sjellë për publikun shqiptar këngët e tij më të mira elektronike duke sjellë mjaft energji.
Në Parkun e Liqenit Artificial të Tiranës kanë nisur përgatitjet për vendosjen e skenës ku do performojnë yjet e muzikës të ftuar nga Dua Lipa në 3 ditët e Sunny Hill Festival Tirana 2022.
