etë aktivistë shqiptarë LGBT janë sulmuar të shtunën në Beograd kur po ktheheshin nga Europride, njoftoi gazetari Idro Seferi në Facebook. Ai shton se dy aktivistë janë lënduar të cilët janë marrë nga autoambulanca, ndërsa kanë mbetur në gjendje shoku.
Organizatorët e Europride konfirmuan për N1 se më shumë se pesë pjesëmarrës u sulmuan gjatë kthimit nga Europride, dhe se ishin të përfshirë kryesisht shtetas të huaj. Seferi ka bërë të ditur se aktivistët shqiptarë janë sulmuar nga një grup prej rreth 10 personash kur po ktheheshin në hotel pas një shëtitjeje dhe një koncerti të mbajtur në kuadër të Europride dhe se policia ka dalë në vendngjarje, shkruan N1 .
Organizatori i manifestimit të sotëm “Beograde Pride” tha për N1 se gjatë kthimit nga koncerti janë sulmuar kryesisht shtetas të huaj, nga Gjermania dhe Shqipëria.
Ata i bëjnë thirrje policisë dhe organeve kompetente që menjëherë të zbulojnë dhe ndëshkojnë autorët, të konstatojnë të gjitha rrethanat dhe të përmbushin premtimin se do të garantohet siguria e të gjithë pjesëmarrësve.
Portali shqiptar Gazeta Blic bëri të ditur se dhjetëra shqiptarë morën pjesë në shëtitjen që u zhvillua pasditen e së shtunës në kuadër të Europride në Beograd. Më parë ata i thanë Deutsche Welle-s se ndiheshin të kërcënuar.
