Ish-deputeti Halit Valteri, ka folur dje në një studio televizive për të gjitha akuzat që i ka drejtuar sëfundmi ish-Presidentit Ilir Meta, lidhur me një lobim të kryer në SHBA me një shumë prej 1.2 milion dollarësh.
Në fjalën e tij, Valteri është shprehur se ka thuajse 4 vite që është duke u marrë me këtë çështje dhe të gjitha dokumentet që ka dorëzuar në SPAK i ka të verifikuara, teksa e cilëson këtë si një padi të gjithë shqiptarëve dhe jo vetëm të vetes së tij.
“Prej 4 vitesh jam duke u marrë me këtë çështje dhe të gjithë dokumentet i kam të verifikuara. Kjo nuk është padia ime por e gjithë shqiptarëve”, deklaroi Valteri nga një lidhje skype me studion. Ndër të tjera, gjatë bisedës, Valteri ka treguar se në llogaritë e tij në rrjetet sociale por edhe në numrin personal të telefonit celular i vijnë shpesh mesazhe nga njerëz të ndryshëm që e paralajmërojnë se “Meta të vret”.
“Kujdes se Meta të vret. Këta njerëz që shkuajnë, shkuajnë se e kanë vuajtur në kurriz këtë gjë. Unë nuk merrem fare me këta si puna e Ilirit por këta u kanë futur njerëzve frikën në palcë. Këta përdorin krimin dhe mafien për të mbajtur statuskon e tyre. SPAK duket të marr masa dhe të nis hetimet për të çuar një orë dhe më parë për të çuar para drejtësisë njeriun më të korruptuar në vend.
Meta ka problemin me çdo kënd që nuk mendon si ai. Për mua le të hyjë në burg Rama, Meta, Basha, Berisha çdo njeri që ka vjedhur këtë vend. Por këta që japin akuza dhe nuk bëjnë asgjë për të ruajtur këto akuza dihet që janë të dakordësuar për këto akuza për të ruajtur statuskon. Këto lojëra fjalësh politike kemi 30 vite që i dëgjojmë dhe kjo shikohet edhe nga interesi i njerëzve nga politike dhe fakti që nuk janë të shumtë në numër në kohën e zgjedhjeve”, nënvizoi Valteri.
