“Transfermarkt” ka bërë disa ndryshime në vlerën e kartonit të lojtarëve në nivelin e dytë të futbollit spanjoll, në bazë të performancave të fundit. Myrto Uzuni i është rritur vlera si asnjëherë më parë në karrierë, duke hyrë te 10 më të kushtueshmit.
Sulmuesi shqiptar njeh rritje me 2 milionë euro, teksa tani kushton 5 milionë euro. Gjatë gjithë karrierës lojtari nga Uznova nuk ka pasur një kuotë të tillë vlerësimi. E gjitha kjo falë punës së madhe dhe nisjes së frikshme të sezonit me Granadan.
