Ilir Meta, i paditur tri herë në SPAK, ka dalë në deklaratë për mediat për t’i kërkuar kryeministrit Edi Rama të tërhiqet nga nisma për Amnistinë Fiskale.
Sipas Metës, kjo do të sillte rritjen e krimit ekonomik, dhe rritjen e kriminalitetit në rrugë si dhe shtimin e shqiptarëve në burgje.
“Në këtë mënyrë do të goditej biznesi i ndershëm si dhe iniciativa e lirë vendase. Do të minohej besimi i shoqërisë, i institucionit të së drejtës dhe do të nxitej ekonomia kriminale. Do të sjjellë rritjen e kriminalitetit të rrugës dhe shtimin e shqiptarëve në burgje.
Do të dobësohej efikasiteti i të gjitha strukturave që duhet të luftojë pastrimi i parave. Do të minohej procesi i nisjes së negociatave dhe anëtarismin e Shqipërisë në BE”, tha Meta.
