Gjykata e Elbasanit sërish objekt skandalesh seksuale dhe aferash korruptive.
Në 22 nëntor të vitit 2019, Komisionit të Vetingut i mjaftoi hetimi vetëm mbi kriterin e pasurisë për të shkarkuar nga detyra gjyqtarin Arben Vrioni si të korruptuar.
Sapo iu afrua dita e llogaridhënies para Vetingut, Vrioni nisi të paraqesë raporte sikur ishte sëmurë dhe se i dhimbte barku.
Gjyqtari i thoshte Komisionit të Vetingut se mjekët i kishin rekomanduar të mos kishte shqetësime, por në të njëjtën kohë harbohej në zyrë dhe hoteleve me sekretare, me njërën nga të cilat ka sot edhe një fëmijë jashtë martese.
Aferat seksuale Arben Vrioni i ka nisur dhe intensifikuar gjatë karrierës gati 20-vjeçare në Gjykatën e Elbasanit si gjyqtar, nënkryetar dhe kryetar. Më shumë se sa një institucion drejtësie, Gjykata e Elbasanit i afrohet ‘Peshqirave’ në Dusseldorf të Gjermanisë, klubit të njohur +18 të kënaqësive seksuale.
Me një nga sekretaret, gjyqtari ka edhe një fëmijë jashtë martese, histori për të cilën do të japim detaje në vijim, pasi kemi të bëjmë me përdorimin e funksionit publik për performanca seksuale dhe pasurim privat.
Ai ishte në garë me Bujarin e Zi, një tjetër gjyqtar i shkarkuar si i korruptuar.
Në vitin 2016, Arben Vrioni u zgjodh në Gjykatën e Apelit në Durrës, ku vijoi aferat korruptive në një tjetër nivel.
Në dhjetor të vitit 2016, Arben Vrioni ishte pjesë e një trupe gjykuese, e cila liroi nga burgu ish-kreun e Bandës së Durrësit, Lulzim Berisha, pesë vite para afatit. Vendimi solli një reagim të fortë edhe nga përfaqësitë diplomatike të SHBA-BE në Shqipëri.
Në atë kohë, ish-ambasadori amerikan në Tiranë Donald Lu i cili tha se “Lirimi i Lulzim Berishës është bërë për shkaqe të panjohura. Dua t’u them gjykatave të korruptuara se ky vendim është i papranueshëm. Duhet të indinjohemi”.
Gjykata e Lartë dhe më pas Gjykata Kushtetuese rrëzuan vendimin e Apelit si korruptiv.
Arben Vrioni ka marrë pjesë edhe në procese të tjera korruptive, ku janë hedhur qindra mijëra euro. Ka të dhëna se paratë e korrupsionit i ka investuar në pasuri të palujtshme në Tiranë dhe bregdet, kamufkuar në emra të tjerë.
