Të paktën tre persona u vranë në shpërthimin në urën Kerç herët të shtunën, sipas Komitetit Hetues të Rusisë.
Në një deklaratë në Telegram, Komiteti tha: “Sipas informacioneve paraprake, tre persona kanë humbur jetën si pasojë e incidentit. Dyshohet se këta janë pasagjerët e një makine që ndodhej pranë kamionit të hedhur në erë.
“Aktualisht, vetëm trupat e dy viktimave janë marrë, të një burri dhe një gruaje, ndërsa identitetet e tyre janë duke u përcaktuar.”
Komiteti gjithashtu zgjeroi deklaratën e tij të mëparshme se një kamion në urë ishte hedhur në erë.
“Hetuesit e Komitetit Hetimor Rus përcaktuan edhe të dhënat e kamionit dhe pronarit të tij. Ky është banor i Krasnodarit, në vendbanimin e tij janë nisur veprimet hetimore. Rruga e lëvizjes së mjetit dhe dokumentacioni përkatës. janë duke u studiuar”.
Trupat ruse në Ukrainën jugore do të furnizohen nëpërmjet korridorit detar dhe atij tokësor pas shpërthimit të së shtunës në urën Kerç. Lajmin e bëri të ditur Ministria e Mbrojtjes në vend.
Kujtojmë se ushtria ruse e ka përdorur gjerësisht urën për të rifurnizuar forcat e saj në Kherson dhe Zaporizhzhia. Është e paqartë se për sa kohë do të jenë jashtë funksionit urat rrugore dhe hekurudhore nëpër ngushticën e Kerçit.
Ministria tha në kanalin e saj Telegram: “Sigurimi i grupit rus të trupave të përfshirë në operacionin ushtarak special në drejtimet operacionale Nikolaev-Krivoy Rog dhe Zaporozhye [ukrainas: Mykolaiv – Kryvyi Rih – Zaporizhzhia] kryhet vazhdimisht në tërësi përgjatë korridori tokësor dhe pjesërisht transporti detar”.
