Haland po vazhdon me shënimin e golave dhe duket në rrugën e vendosjes së historisë në Premier League. Sulmuesi norvegjez ka shënuar golin e parë të takimit, teksa Manchester City po arrin të fitojë me shifrat 1-0 ndaj Brighton.
Por mënyra e shënimit të golit tregon fare mirë nivelin e mbrojtjeve në Premier League. Ky kampionat shquhet për fizikun e tij dhe lojën e hapur, megjithëse mbrapa lihen hapësira të mëdha.
Madje Brighton nuk është kujdesur as duke ditur që ka si kundërshtar sulmuesin e momentit në botën e futbollit, Haland.
Një pasim i ardhur direkt nga portieri i Manchester City do të gjente një hapësirë të frikshme në mbrojtjen kundërshtare, që me siguri nuk do të falej as në kalçeto.
