Zv.kryetari i Partisë së Lirisë, Agim Nesho është shprehur se qeveria shqiptare është në ditët e fundit të saj, ndaj është bërë agresive.
Ai theksoi se “kjo qeveri mafioze po përpiqet të shkatërrojë opozitën”, por sipas tij nuk do ia dalë dhe fitorja është e shpejtë.
“Ky shtet po degjeneron nga dita në ditë. Gjithë kjo na ka bërë të mos jemi më indiferentë, por të bashkohemi për fatet e të gjithëve. Shqipëria po shkon nga dita më ditë më keq, rinia s’ka më shpresë se vendi mund të ndërtohet.
Kemi një qeveri mafioze, që është e gatshme të zëvendësojë rininë me bangladeshas. Duhet të lëvizim të tërë, sot është çështja e të gjithëve. S’duhet ta lejojmë këtë pushtet, është në ditët e fundit ndaj është bërë agresiv.
Po përpiqet të shkatërrojë opozitën, por s’do ta arrijë. Këtë regjim e ka Venezuela, ku njerëzit s’kanë bukë të hanë.
S;do e lejojmë këtë gjë, do luftojmë. Të tërë në fronin e përbashkët të shpëtimit të Shqipërisë, me frontin e Partisë së Lirisë. Rroftë Partia e Lirsë, drejt fitores dhe fitorja është e shpejtë”, tha ish-anëtari i Komitetit Qendror të Bashkimit të Rinisë së Punës së Shqipërisë.
